Радиоаматерски Сојуз на Македонија
Декември - месецот на YOTA
- Детали
- Категорија: Разно
- Објавено: 11 Декември 2018
И оваа година РСМ се вклучува во активностите за настанот YOTA (Youngsters On The Air). По наше барање од страна на АЕК, а согласно пропозициите за YOTA издадени се дозволи за два повикувачки знака - Z30YOTA и Z39YOTA.
Со учество во активноста се започна уште првиот ден од месец декември и досега се остварени над 600 врски од Скопје, Штип, Битола, Кавадарци и портабл активирање во близина на Скопје.
Повеќе информации на Фејсбук фан страната YOTA Macedonia
Во прилог може да погледнете слики од активностите.
Резултати од 14то Светско првенство во HST
- Детали
- Категорија: ХСТ
- Објавено: 15 Септември 2017
Од 8-12 септември 2017 во Естергом, Унгарија се одржа 14-тото Светско првенство во HST. Екипата на РСМ беше составена од тројца членови: Младен Марковски, Миле Трајко и Дарко Трајков. Повеќе информации и резултати може да се најдат на официјалниот веб сајт.
Собир на радиоаматери 2017
- Детали
- Категорија: Разно
- Објавено: 14 Септември 2017
Почитувани радиоаматери,
Како што веќе претходно информиравме, Радиоаматерскиот сојуз на Македонија на 17.септември (недела) организира Собир на радиоаматерите на Македонија во ресторанот „Ресторан на Велешко“ кој се наоѓа на езерото „Младост“ крај Велес.
Во рамките на Собирот ќе се одржат повеќе теоретски и практични презентации од актуелни области на радиоаматеризмот и радио-техниката. Исто така ќе се одржи обука на младите радиоаматери, а потоа и натпревар во аматерска радио гониометрија. Истовремено овој Собир ќе биде одлична можност за меѓусебно дружење и подобро запознавање помеѓу радиоаматерите, но и помеѓу гостите.
Ве поканувам да дојдете и да го збогатете ова наше дружење со Вашето присуство.
На Собирот во недела, 17.септември, настаните се организирани со следниве тематски содржини:
1. 08:30 до 09:00 часот - Пристигнување на радиоаматери, натпреварувачи и гости и нивна регистрација;
2. 09:00 до 12:00 часот - Теоретска и практична презентација на спортско-техничката дисциплина „АРГ“ – аматерска радио-гониометрија и АРГ натпревар.
3. 12:00 до 15:часот - Теоретски и практични презентации на:
- ХСТ – Брза телеграфија;
- Одржување на радиоаматерски врски и комуникација со дигитални модови на работа;
- Одржување на радиоаматерски врски на УКБ преку рефлексија на радиобрановите од јонизирачки метеорски трагови;
- Одржување на портабл радиоаматерски врски;
- РМЗО – Радиоаматерски мрежи за опасност;
- СДР-уреди (Software Defined Radio) презентација;
- Радиоаматерски кодекс „Ham spirit“;
- Правилник за радиоаматерски сообраќај преку репетитори.
4. 15:00 до 17:00 часот - Ручек (за време на ручекот ќе бидат доделени благодарници, дипломи и признанија).
Радиоаматерски сојуз на Македонија
Претседател,
м-р Миле Кокотов / Z33T
Официјални резултати од 10. Куп на Европа и 5. Балканско првенство во HST
- Детали
- Категорија: ХСТ
- Објавено: 05 Јуни 2017
Официјалните резултати од 10. Куп на Европа и 5. Балканско првенство се достапни на линкот http://z37rsm.org.mk/hst2017/.
Во рамките на натпреварот Куп на Европа поставени се два нови светски рекорди. Ана Садукова (RA4FV L) од Русија, постави нов светски рекорд во прием на мешан текст за жени - 260 знаци во минута, а Горан Хајошевиќ (YT7AW) од Србија постави нов светски рекорд за мажи во Morse Runner - 4808 поени
Благодарност до сите учесници што дојдоа и сите кои помогнаа во организацијата на натпреварите.
Покана
- Детали
- Категорија: ХСТ
- Објавено: 25 Мај 2017
Почитувани
Радиоаматерскиот сојуз на Македонија е домаќин на 10ти Куп на Европа и 5то Балканско првенсво во брз прием и предавање на Морзеовата азбука (high speed telegraphy) кои ќе се одржат во периодот од 31.мај до 04.јуни 2017 година во Дојран, хотел Полин.
За таа цел Ве покануваме да присуствувате на отварањето на ова големо радиоаматерско натпреварување на кое учество ке земат радиоаматери од Европските држави. Отварањето на првенството е во 19:00 часот на ден 31. Мај 2017 година во хотелот Полин.
Вашето присуство би значело многу за радиоаматерите и радиоаматеризмот во Република Македонија.
Со почит
Радиоаматерски сојуз на Македонија
Претседател
Миле Кокотов/Z33Т
Известување за HST натпревар
- Детали
- Категорија: ХСТ
- Објавено: 10 Април 2017
На 23.04.2017 со почеток во 09:30 во просториите на РК. Искра Кавадарци ќе се одржи HST натпревар. Натпреварот ќе се спроведе само со практичните дисциплини RUFZ и Morse Runner, согласно правилникот на IARU R1 за нивно одржување. Резултатите постигнати на овој натпревар ќе бидат вреднувани за формирање на репрезентација за учество на претстојниот Куп на Европа, резултатите постигнати на Куп на Европа и Балканско HST првенство, заедно со резултатите од овој натпревар, ќе бидат вреднувани за учество во HST репрезентацијата на Светското првенство во септември. Во рамките на овој настан ги поканувам и сите оние кои некогаш се занимавале со HST, како и сите заинтересирани кои би сакале да се запознаат со оваа дисциплина.
Повеќе на следниот линк
Менаџер за HST
Ѓорѓи Поп-Ѓорѓиев / Z33RW
