Радиоаматерски Сојуз на Македонија
Прво Активирање од Бункери - Водно
- Детали
- Категорија: WCA - Македонија
- Објавено: 17 Јануари 2011
![]() |
На ден 16.01 2011 год. радиоаматерот Владо, Z35M во рамките на меѓународниот радиоаматерски програм WCA – World Castles Award го реализираше првото активирање од локацијата Бункери на сртот на планината Водно, WCA реф. Z3-00013.
За период од еден час со употреба на батериски напојуван Elecraft K1, со излезна моќност од max 5 W, и Inv – Vee дипол антена подигната со 4,5 м рибарски стап, на 40 м, 30м и 20 м опсези, одржани се вкупно 31 телеграфски радио врски.
Прво Активирање од Маркови Кули - Водно
- Детали
- Категорија: WCA - Македонија
- Објавено: 17 Јануари 2011
На ден 15.01 2011 год. радиоаматерот Владо, Z35M во рамките на меѓународниот радиоаматерски програм WCA – World Castles Award го реализираше првото активирање од локацијата Маркови Кули на падините на планината Водно, WCA реф. Z3-00009.
За период од час и половина со употреба на батериски напојуван Elecraft K1, со излезна моќност од max 7 W, и Inv – Vee дипол антена подигната со 5 м рибарски стап, на 40 м, 30м и 20 м опсези, одржани се вкупно 59 телеграфски радио врски.
Long Wire антена
- Детали
- Категорија: Стручни написи
- Објавено: 14 Јануари 2011
Long Wire одн. долга жица e наједноставната за конструирање и поставување антена која што се употребува од радиоаматерите. Под долга жица обично се подразбираат должини на антената кои што изнесуваат најмалку една или повеќе бранови должни од работната фреквенција на која што се употребува. Сепак, радиоаматерите како Long Wire антени (скаретно LW) ги нарекуваат ваквиот тип антени направени од било која произволна должина на жицата (random wire).
Активирање од Бутела, Хераклеа, WCA Z3-00012
- Детали
- Категорија: WCA - Македонија
- Објавено: 10 Јануари 2011
![]() |
Во рамките на меѓународниот радиоаматерски програм WCA - World Castles Award, радиоаматерот Владо, Z35M на ден 09.01 2011 год. по прв пат реализираше активирање од битолско Тумбекафе во близина на археолошкиот локалитет Хераклеа, во чија што непосредна близина се наоѓаат остатоци од тврдината Бутела, WCA реф. Z3-00012.
За период од три часа воспоставени се вкупно 53 CW QSOa на 20 м и 30 м опсег со употреба на батериски напојуван K1 со максимална излезна моќност од 7 W, и Inv Vee дипол антена подигната на 5 м висина.
Зимско активирање од Национален Парк Пелистер, Z3FF-003
- Детали
- Категорија: WFF - Македонија
- Објавено: 10 Јануари 2011
![]() |
На ден 08.01 2011 радиоаматерот Владо, Z35M во рамките на меѓународниот радиоаматерски програм WFF - World Flora and Fauna, го реализираше првото зимско активирање од Национален Парк Пелистер, WFF реф. Z3FF-003. За период од еден час воспоставени се 38 CW QSOa на 20 м опсег. Од опрема користен е батериски напојуван K1, со максимална излезна моќност од 7 W, и Inv Vee дипол антена подигната на гранка од молика.
Повеќе: Зимско активирање од Национален Парк Пелистер, Z3FF-003
Кевин Митник во Македонија
- Детали
- Категорија: Разно
- Објавено: 17 Декември 2010
Најпознатиот поранешен светски хакер Кевин Митник беше во Македонија овие денови. Настанот го отвори Министерот за информатичко општество Иво Ивановски а Кевин пред македонската публика одржа предавање за најновите и најдобрите методи на компјутерска безбедност.
Во текот на предавањето тој ги презентираше и своите две најпродавани книги "Уметност на измама" и "Уметност на пробивање" преку кои практично им покажува на компаниите како да спречат напади врз нивните информатички бази.
Настанот доби голем публицитет во медиумите а организаторот изработи и веб страница
Кевин е радиоаматер и по излегувањето од затвор со месеци се обидуваше повторно да добие лиценца за работа на радио станица. Неговиот повикувачки знак е N6NHG.