Радиоаматерски Сојуз на Македонија
QSL биро 2005 - 2009-та год.
- Детали
- Категорија: QSL Биро
- Објавено: 12 Февруари 2011
Детален преглед за работата на бирото изработен во микрософт ексел можете да погледате или снимите од атачментот кој е во соостав на овој текст.
Освоена WCA-A диплома
- Детали
- Категорија: WCA - Македонија
- Објавено: 26 Јануари 2011
На 18.01 2011 год. радиоаматерот Владо, Z35M ја освои дипломата WCA-A која што меѓународниот радиоаматерски програм WCA - World Castles Award ја издава на радиооператори кои што оствариле радиоаматерски активирања од најмалку пет тврдини.
Миле Секуловски, Z31JY најстар радиоаматер во Македонија
- Детали
- Категорија: Разно
- Објавено: 25 Јануари 2011
Роден 1926 год. во с. Лисолај, битолско, сега жител на Скопје, Миле Секуловски, Z31JY е најстар радиоаматер во Македонија кој што непрекинато е активен на радиоаматерските опсези скоро шест децении.
Учесник во НОБ од 1944 година кога после ослободувањето на Скопје посетува воен радиотелеграфски курс. По завршувањето на воениот рок во 1947 година, се вработува како телеграфист и телепринтерист во поштата во Битола каде што службува 12 години.
Повеќе: Миле Секуловски, Z31JY најстар радиоаматер во Македонија
Прво Активирање од Бункери - Водно
- Детали
- Категорија: WCA - Македонија
- Објавено: 17 Јануари 2011
 |
На ден 16.01 2011 год. радиоаматерот Владо, Z35M во рамките на меѓународниот радиоаматерски програм WCA – World Castles Award го реализираше првото активирање од локацијата Бункери на сртот на планината Водно, WCA реф. Z3-00013.
За период од еден час со употреба на батериски напојуван Elecraft K1, со излезна моќност од max 5 W, и Inv – Vee дипол антена подигната со 4,5 м рибарски стап, на 40 м, 30м и 20 м опсези, одржани се вкупно 31 телеграфски радио врски.
Прво Активирање од Маркови Кули - Водно
- Детали
- Категорија: WCA - Македонија
- Објавено: 17 Јануари 2011
На ден 15.01 2011 год. радиоаматерот Владо, Z35M во рамките на меѓународниот радиоаматерски програм WCA – World Castles Award го реализираше првото активирање од локацијата Маркови Кули на падините на планината Водно, WCA реф. Z3-00009.
За период од час и половина со употреба на батериски напојуван Elecraft K1, со излезна моќност од max 7 W, и Inv – Vee дипол антена подигната со 5 м рибарски стап, на 40 м, 30м и 20 м опсези, одржани се вкупно 59 телеграфски радио врски.
Long Wire антена
- Детали
- Категорија: Стручни написи
- Објавено: 14 Јануари 2011
Long Wire одн. долга жица e наједноставната за конструирање и поставување антена која што се употребува од радиоаматерите. Под долга жица обично се подразбираат должини на антената кои што изнесуваат најмалку една или повеќе бранови должни од работната фреквенција на која што се употребува. Сепак, радиоаматерите како Long Wire антени (скаретно LW) ги нарекуваат ваквиот тип антени направени од било која произволна должина на жицата (random wire).
