Радиоаматерски Сојуз на Македонија
Прво SOTA активирање од врвот Рамно на Скопска Црна Гора
- Детали
- Категорија: SOTA - Македонија
- Објавено: 13 Декември 2010
На 08.12 2010 год. радиоаматерите Владо, Z35M и Дамјан, Z35BY го реализираa првото активирање од Рамно, 1651 м, највисокиот врв на Скопска Црна Гора, SOTA реф. Z3/ЕМ-006.
За период од околу час и половина воспоставени се вкупно 49 радиоврски на 7 МHz и 14 MHz.
Користена опрема: радиоуреди Elecraft K1 со излезна моќност од 7 W на телеграфија и Icom IC-7000 со излезна моќност од 50 W до 5 W на фонија, 12 V, 7 Ah батерија, LDG автоматски антенски прилагодувач, и Inv-Vee жичен дипол подигнат на висина од 5 м.
Ова беше прво SOTA активирање на Дамјан, Z35BY, и шеесет и шесто на Владо, Z35M.
Повеќе: Прво SOTA активирање од врвот Рамно на Скопска Црна Гора
Освоена дипломата Summit to Summit Award - 100 Contacts
- Детали
- Категорија: SOTA - Македонија
- Објавено: 17 Декември 2010
На 10.12 2010 год. Владо, Z35M ја освои дипломата Summit to Summit Award - 100 Contacts. Оваа диплома се доделува на радиоматерски оператори кои што како активатори од SOTA планински врвои имаат воспоставено најмалку 100 радиоврски од врв на врв.
Зимско SOTA активирање на Љуботен, 2498 м , Z3/WM-010
- Детали
- Категорија: SOTA - Македонија
- Објавено: 24 Ноември 2010
На 21.11 2010 год. радиоаматерот Владо, Z35M го реализира првото активирање од Љуботен, 2498 м, SOTA реф. Z3/WM-010, еден од најатрактивните врвови на Шар Планина. Зимските улови на самиот врв овозможија активирањето да трае само 15 минути, но, сепак одржани се 25 КБ радиоврски. Користен е батериски напојуван КБ радиоуред со излезна снага од 5 W и Inv-Vee жичен дипол подигнат на висина од 5 м.
Повеќе: Зимско SOTA активирање на Љуботен, 2498 м , Z3/WM-010
Z300D, Ден на дрвото – Засади ја својата иднина
- Детали
- Категорија: КБ - УКБ Натпревари
- Објавено: 16 Ноември 2010
Радиоаматерскиот сојуз на Македонија се вклучи во акцијата Ден на дрвото – Засади ја својата иднина со популаризација на истата преку одржување радиоврски со радиоаматери од целиот свет со употреба на специјално издадениот повикувачки знак Z300D.
Активноста се спроведува на кусобрановите фреквентни подрачја и во истата се вклучени радиооператори од неколку градови.
Аудио снимки од Владо - N3CZ
- Детали
- Категорија: КБ - УКБ Натпревари
- Објавено: 03 Ноември 2010
Владо направи повеќе снимки од наши радиоаматери како работат на кратки бранови. Овде можете да слушнете како звучат радиоаматери од Штип и Гевгелија во Соединетите Американски Држави. Снимките се направени во текот на CQ WW WPX SSB натпреварот кој се одржа последниот викенд од Март месец ова година.
CQ WW RTTY 2010 - Z37M
- Детали
- Категорија: КБ - УКБ Натпревари
- Објавено: 30 Септември 2010
По неколку годишна пауза радиоаматерите од Штип одлучија повторно да работат во најтешката категорија Мулти - Мулти. Главна причина за ова одлука беа младите членови на овој радио клуб да добијат прилика за што повеќе работа на радио станица за време на овој натпревар.
Овој пат осум радио оператори го сочинуваа тимот но повеќемината не можеа да бидат присутни во текот на сите 48 часа колку што трае овој натпревар. Во текот на натпреварот им се случија технички и софтверски проблеми но благодарение на добро обучените членови на клубот овие ситуации беа релативно лесно и брзо решавани. Натпреварот го завршија со најдобар нивни резултат досега во најтешката или популарно наречената (абсолутна) категорија.
