CQ WPX RTTY - 2010

WPX RTTY е втор по популарност и масовност натпревар во дигитални технологии и дефинитивно им лежи на нашите натпреварувачи. Оваа година во МУЛТИ 2 категорија македонци има на првите 2 места во светот. За да се најде на топ листата Златко Андонов - Z30A патуваше 25 часови до познатата натпреварувачка локација на Ранко Боца - 4O3A во Црна Гора, додека штипјани традиционално ја искористија нивната одлична локација на аеродромот Сушево во близина на Штип. Интересно е дека постоечкиот европски рекорд кој беше во сопственост на штипјани и двете првопласирани екипи во оваа тешка и технички многу захтевна категорија го соборија (внимавајте) - штипјани за 31 % додека екс ју тимот во Црна Гора за дури 57 %. За оние што се заинтересирани можат да го видат деталниот преглед на резултатите во пдф фајлот.

CQ WW WPX RTTY 2009 - Светски рекорд

Меѓународните натпревари на кратки бранови се одржуваат секој викенд но само за неколку од нив илјадници радиоаматери се подготвуваат специјално а многумина патуваат на различни места во светот да учествуваат и да постигнат што подобар пласман во овие натпревари. Во Европа постојат десетина натпреварувачки локации кои овозможуваат врвни пласмани, една од тие локации се наоѓа во Црна Гора и е во сопственост на Ранко Боца, во радиоаматерскиот свет познат како 4О3А (порано YT6A).

Повеќе: CQ WW WPX RTTY 2009 - Светски рекорд

Самуилова тврдина - прво активирање

На 11.08 2010 година за прв пат во рамките на програмата WCA – World Castles Award, радиоаматерот Владо – Z35M реализираше  кусо активирање од Самоилова Тврдина.
За период од еден час остварени се вкупно 30 радиоврски на кусобрановите опсези 20м и 30м, со употреба на максимална излезна моќност од 7 W и Inv – Vee дипол антена подигната на висина од 5 метри.

Повеќе: Самуилова тврдина - прво активирање

V55V - CQ WW SSB Рекорд

Македонскиот радиоаматер Владимир Карамитров - (Z35C, N3CZ итн.) ја посети Намибија специјално за најпопуларниот радиоаматерски натпревар CQ WW SSB во 2004 година. По овој повод од ресорното министерството доби специјален повикувачки знак V55V. Според правилата на овој натпревар се работи 48 часа во кои Владо успеа да одржи 3438 радио врски со 140 земји од светот и постигна резултат поголем од 5 милиони поени. Овој рекорд е се уште е важечки за зоната 38 во која се наоѓаат повеќе земји од Африка.

Повеќе: V55V - CQ WW SSB Рекорд

Штипјани 4-ти во светот

Радиоаматерскиот клуб Никола Тесла од Штип во континуитет се натпреварува во најпознатите светски натпревари. Во најпопуларното натпреварување во RTTY кое се одржа минатата година а конечните резултати организаторите на натпреварот ги објавија пред некој ден, штипјани го освоија одличното 4-то место во светот и 2-ро во Европа. Овој успех го постигнаа работејки од нивната натпреварувачка локација која се наоѓа на аеродромот Сушево каде што инсталираа посебни антенски системи за одржување на радио врски. Тимот натпреварувачи овој пат беше составен само од штипјани: Z31MM - Момо, Z32RY - Кико, Z36N - Тоне, Z36W - Венцо, Дуле и Роберто. Во последните десетина години радиоаматерите од Штип во дисциплината RTTY се меѓу најуспешните во светот.