Радиоаматерски Сојуз на Македонија

KSQP - 2010

Детали: Категорија: КБ - УКБ Натпревари; Објавено: 06 Септември 2010

Последниот викенд во август месец беше ново искуство за Драган - K0AP (Z32XX) кој неколку години живее и работи во Канзас - САД. На покана од Роб - K0RU да активираат повеке каунти (области) во Kansas qso party, веднаш се согласи и планот беше направен. За 2 дена според планот требаше да поминат 1700 км и да активираат дури 50 области. За оваа прилика Роб купи нов форд 150 4Х4 во кое ја инсталираа потребната опрема. За експедицијата да биде што поуспешна од опрема користеа: радио уред FT-857, линеарен засилувач ALS-500, APRS радио уред, APRS антена,Tarheel HP200 антена, 2 лаптоп компјутери и друга приклучна и неопходна опрема. Но секогаш мора да има некој проблем па така линеарецот им работи како треба само на 14 МХз каде што можат да емитуват со 500 W а на другите опсези исклучува, проблем имаат и со едниот лаптоп на кој што е инсталиран ГПС за да знаат точно каде се наоѓаат - многу важно за ваков начин на активирање на области.

Патешествието на Драган и Роб во интегралниот текст на англиски јазик можете да го прочитате во пдф фајлот.

SOTA - Z3 ранг листа

Детали: Категорија: SOTA - Македонија; Објавено: 16 Август 2010

СОТА програмата во Македонија ја промовираше Владо - Z35M и до пред некој ден беше водечки и во активирање на македонските планински врвови и како ловец на СОТА експедиции. Од пред некој ден најмногу поени во оваа програма од Македонија има Z35F - Благој Љатев од Гевгелија. Благој стана вистински заљубеник во оваа дисциплина и секојдневно ги лови радиоаматерите кои активираат планински врвови низ светот. Тој за само неколку месеци успеа да освои 1806 поени со одработени 375 активатори и да се пробие на прво место, на второ место е Z35M - Владo со освоени 1740 поени и 395 активатори. Во категоријата активатори Z35M е без конкуренција со 51 активирање на планински врвови во државата.

K1B - Baker Island

Детали: Категорија: Рекорди; Објавено: 16 Август 2010

Во 2002 година Хране Z32A/YT1AD ја организираше неговата најголема експедиција на островот Baker од каде што дотогаш се немаше огласено ниту еден радиоаматер. Поучен од искуствата стекнати на претходните експедиции овојпат ништо не беше препуштено на случајот од техника до тим на прекалени радиоаматери. Експедицијата заврши со феноменален резултат - 95.127 врски беше бројка која што не беше достижна за ниту една дх-педиција претходно. За оваа експедиција еден од учесниците Сречко Морич - YU1DX, напиша мала книга а снимени се и неколку видео материјали. Во интернационалниот тим од Македонија учестуваа Хране Милошевиќ - Z32A/YT1AD, Моме Димовски - Z32ZM и Владо Карамитров - Z35C/ZS6MG.

Z32ZM - Интернационална активност

Детали: Категорија: Z3 - DX Експедиции; Објавено: 15 Август 2010

z32zm clarion hotel Моме Димовски од Куманово е еден од најпознатите радиоаматери во Македонија. Во изминатите години беше активен од повеќе DXCC земји и беше учесник на мега дх - експедициите што ги организираше Хране Милошевиќ - Z32A /YT1AD.

Повеќе: Z32ZM - Интернационална активност

CQ WPX RTTY - 2010

Детали: Категорија: Рекорди; Објавено: 15 Август 2010

WPX RTTY е втор по популарност и масовност натпревар во дигитални технологии и дефинитивно им лежи на нашите натпреварувачи. Оваа година во МУЛТИ 2 категорија македонци има на првите 2 места во светот. За да се најде на топ листата Златко Андонов - Z30A патуваше 25 часови до познатата натпреварувачка локација на Ранко Боца - 4O3A во Црна Гора, додека штипјани традиционално ја искористија нивната одлична локација на аеродромот Сушево во близина на Штип. Интересно е дека постоечкиот европски рекорд кој беше во сопственост на штипјани и двете првопласирани екипи во оваа тешка и технички многу захтевна категорија го соборија (внимавајте) - штипјани за 31 % додека екс ју тимот во Црна Гора за дури 57 %. За оние што се заинтересирани можат да го видат деталниот преглед на резултатите во пдф фајлот.

CQ WW WPX RTTY 2009 - Светски рекорд

Детали: Категорија: Рекорди; Објавено: 13 Август 2010

Меѓународните натпревари на кратки бранови се одржуваат секој викенд но само за неколку од нив илјадници радиоаматери се подготвуваат специјално а многумина патуваат на различни места во светот да учествуваат и да постигнат што подобар пласман во овие натпревари. Во Европа постојат десетина натпреварувачки локации кои овозможуваат врвни пласмани, една од тие локации се наоѓа во Црна Гора и е во сопственост на Ранко Боца, во радиоаматерскиот свет познат како 4О3А (порано YT6A).

Повеќе: CQ WW WPX RTTY 2009 - Светски рекорд