Радиоаматерски Сојуз на Македонија

Z31MM I Z31MM vo 3V8SS

Во 2008 година од 14 до 29 Мај, Зоран Милев (Z33F) и  Момчило Милошев ( Z31MM) беа на експедиција во Тунис. Главната цел беше да се учествува во два натпревари на кратки бранови (EU PSK и CQ WW WPX CW) од радио клубот со повикувачки знак 3V8SS.
Од домакинот Халим беа одлично пречекани и на располагање им беше ставен клубот со сите негови ресурси и луѓе.
Активноста на радио станица беше претежно на RTTY и PSK и се работеше на сите фреквенции освен на 160 м каде што радио клубот не поседуваше дозвола за работа.

Повеќе: Z31MM I Z31MM vo 3V8SS

Собир на радиоаматери на РСМ Велешко езеро ресторан Бела Вода

На 22.04.2023 се одржа собир на РСМ  на Велешко езеро во ресторанот БЕЛА ВОДА. Во пријатна атмосфера имаше презентација на повеке новини во областа на радиоаматеризмот.Најголем интерес на присутните имаше за работата на SHF подрачјето. Презентација за и околу активностите на ова подрачје имаше Дејан Трајковски - Z31RQ ,член на радио клубот Стево Патакот  - Z37CEF  од Битола. Од големиот интерс на оваа тема произлегоа и повеке прашања од страна на присутните.Присутните добија стручни одговори од страна на Дејан.Во рубриката Разно-најпрво во Македонија  е поместен линк од материјали околу оваа активност.

18 Април Меѓународен ден на радиоаматерите од целиот свет

 

               

 

                                                                                                

 

                На 18 април, го одбележуваме меѓународниот ден на радиоаматерите од целиот свет. Во 1925 година, во Париз, се формирала Интернационалната унија на радиоаматерите (IARU – International Amateur Radio Union).  

           По тој повод РАДИОАМАТЕРСКИ СОЈУЗ НА МАКЕДОНИЈА , во чест на формирањето на IARU 1 регион во 1925 година во Париз, како сооснивач на американската ARRL, Радиоаматерската Унија му посвети еднонедлна активност со посебен повикувачки знак во суфиксот HS4A, при што и Радиоаматерскиот Сојуз на Македонија од 18 до 25 април зеде учество со повикувачкиот знак Z30HS4A. 

Активно учество имаа следните радиоаматери:

                                      - Z31NA – Симеон Стојчески

                                      - Z31RM – Тодор Тодоровски

                                      - Z33PB – Боби Пектовски

                                      - Z31R – Трајчо Богатинов

                                      - Z33B – Кирко Мирчевски

  Во период на од 18 до 25 април  остварни  се 2646 радиоаматерски врски од целиот свет, им благодариме.

 

                                                                                             

K1B - Baker Island

Во 2002 година Хране Z32A/YT1AD ја организираше неговата најголема експедиција на островот Baker од каде што дотогаш се немаше огласено ниту еден радиоаматер. Поучен од искуствата стекнати на претходните експедиции овојпат ништо не беше препуштено на случајот од техника до тим на прекалени радиоаматери. Експедицијата заврши со феноменален резултат - 95.127 врски беше бројка која што не беше достижна за ниту една дх-педиција претходно. За оваа експедиција еден од учесниците Сречко Морич - YU1DX, напиша мала книга а снимени се и неколку видео материјали. Во интернационалниот тим од Македонија учестуваа Хране Милошевиќ - Z32A/YT1AD, Моме Димовски - Z32ZM и Владо Карамитров - Z35C/ZS6MG.

CQ WPX RTTY - 2010

WPX RTTY е втор по популарност и масовност натпревар во дигитални технологии и дефинитивно им лежи на нашите натпреварувачи. Оваа година во МУЛТИ 2 категорија македонци има на првите 2 места во светот. За да се најде на топ листата Златко Андонов - Z30A патуваше 25 часови до познатата натпреварувачка локација на Ранко Боца - 4O3A во Црна Гора, додека штипјани традиционално ја искористија нивната одлична локација на аеродромот Сушево во близина на Штип. Интересно е дека постоечкиот европски рекорд кој беше во сопственост на штипјани и двете првопласирани екипи во оваа тешка и технички многу захтевна категорија го соборија (внимавајте) - штипјани за 31 % додека екс ју тимот во Црна Гора за дури 57 %. За оние што се заинтересирани можат да го видат деталниот преглед на резултатите во пдф фајлот.