Радиоаматерски Сојуз на Македонија

SCC RTTY - 2010

По неколку месечни договарања последниот викенд на Август конечно се реализира заедничка активност во SCC RTTY -2010 помеѓу младите радиоаматери од Кавадарци и Штип. Во петокот на Сушево за првпат дојдоа Вељан - Z32AJA, Кире - Z33BMW и Коле - Z30KNA заедно со ветеранот Младен - Z32M кој е воедно и нивен учител а од домаќините Дими - Z33DGM, Гого - Z35GL, Игор - Z32ID, Крсте - Z35X, Венцо - Z36W, Тоне - Z36N а во саботата и неделата на кратко наминаа претседателот на радио клубот Љубе Здравков, др. Озрен - Z35T и Диме - Z35Z.

Повеќе: SCC RTTY - 2010

Russian RTTY WW Contest

Викендот што помина штипјанецот Димитар Гарпов - Z33DGM го искористи да учествува во натпревар на кратки бранови користејки дигитален мод на работа RTTY . Во натпреварот кој секоја година го организира федерацијата на руските радиоаматери и списанието "РАДИО" Димитар постигна резултат од  382.270 поени на опсегот од 14 МХз за што му беа потребни да одржи 606 радио врски со 86 држави во светот. Опремата која е користена за натпреварување е стандардната на радио клубот од Штип и се наоѓа на нивната веќе многу позната локација на аеродромот Сушево во близина на градот. Димитар во овој натпревар работеше на клубскиот знак Z37M.

4O6A - ARRL SSB 2002

 

По завршувањето на  телеграфскиот дел на ARRL се договоривме да го работиме и фонискиот дел на овој натпревар во истите категории. Како добар познавач на патот до Игало во траење од 27 часа и преместувањето од воз во воз а на крај како промена и автобус се одлучив да тргнам на пат во четврток сабајле па би требало да бидам кај Ранко YT6A (сега 4O3A) во фирмата некаде околу 11 часот во петок. Патувањето беше супер, добра клапа од почетокот до крајот на патувањето што ме чинеше уште еден ден без спиење. Како што му ветив на Предо – YU7EU (сега SK) купив еден пакет лименки Скопско пиво но на патот помеѓу Ниш и Подгорица не остана ништо освен празните лименки. Во Игало стигнав малку пред 11 часот а во SKY – SAT се појавив по 12 часот.  

Комплетната репортажа за оваа контест експедиција може да се прочита во пдф документот.

4O6A - ARRL CW 2002

Со Ранко YT6A (сега 4O3A) се запознавме преку интернет кога бараше соработници за работа на радиоаматерски интернет портал. Работата на порталот допринесе често да контактираме и тоа доведе до стартување на нов интернет портал на англиски јазик wwwcontesting.info на кој исто така имавме дневен ангажман. Честото контактирање преку електронска пошта и разговори во врска со веб страниците кои ги работевме искристализира дека имаме иста пасија а тоа се натпреварите на кб.
Во втората половина на јануари, Ранко ме покани да работам од неговата натпреварувачка локација која ја изгради на Обошник (600 м висок рид на кој ЈНА го имаше еден од најважните радарски центри и преку кој се контролира огромен дел од Јадранското море). Кога ја прочитав пораката бев пресреќен бидејки цел живот сонував да работам од место каде што има модерна опрема и големи антенски системи и веднаш одговорив дека доаѓам.

Комплетната репортажа за оваа контест експедиција може да се прочита во пдф документот.

KSQP - 2010

Последниот викенд во август месец беше ново искуство за Драган - K0AP (Z32XX) кој неколку години живее и работи во Канзас - САД. На покана од Роб - K0RU да активираат повеке каунти (области) во Kansas qso party, веднаш се согласи и планот беше направен. За 2 дена според планот требаше да поминат 1700 км и да активираат дури 50 области. За оваа прилика Роб купи нов форд 150 4Х4 во кое ја инсталираа потребната опрема. За експедицијата да биде што поуспешна од опрема користеа: радио уред FT-857, линеарен засилувач ALS-500, APRS радио уред, APRS антена,Tarheel HP200 антена, 2 лаптоп компјутери и друга приклучна и неопходна опрема. Но секогаш мора да има некој проблем па така линеарецот им работи како треба само на 14 МХз каде што можат да емитуват со 500 W а на другите опсези исклучува, проблем имаат и со едниот лаптоп на кој што е инсталиран ГПС за да знаат точно каде се наоѓаат - многу важно за ваков начин на активирање на области.

Патешествието на Драган и Роб во интегралниот текст на англиски јазик можете да го прочитате во пдф фајлот.