Радиоаматерски Сојуз на Македонија

Кевин Митник во Македонија

Најпознатиот поранешен светски хакер Кевин Митник беше во Македонија овие денови. Настанот го отвори Министерот за информатичко општество Иво Ивановски а Кевин пред македонската публика одржа предавање за најновите и најдобрите методи на компјутерска безбедност.

Во текот на предавањето тој ги презентираше и своите две најпродавани книги "Уметност на измама" и "Уметност на пробивање" преку кои практично им покажува на компаниите како да спречат напади врз нивните информатички бази.

Настанот доби голем публицитет во медиумите а организаторот изработи и веб страница

Кевин е радиоаматер и по излегувањето од затвор со месеци се обидуваше повторно да добие лиценца за работа на радио станица. Неговиот повикувачки знак е N6NHG.

Z39Z - Венци Ристов

Лични повикувачки знаци во поранешна Југославија и република Македонија: YZ5GRV, YZ5AA, Z32AF, Z3100V

Повикувачки знаци со кои е работено од поранешна Југославија, република Македонија и од странство: YU5FAD, YT5FAD, YT5G, YT6A, YT6T, 4N5FAD, 4N5M, 4O/Z39Z, 4O3A, 4О3Т, 4O6A, 4O6DX,  Z340FAD, Z350FAD, Z37FAD, Z37Z, Z39А, Z30М, Z30Z

Z37Y - Нов форум на интернет

Новите интернет технологии се интересни за младите радиоаматери од Кавадарци. Од пред неколку дена имат активен форум за актнивностите во нивниот матичен радио клуб "Искра" http://z37y.freeforums.org а можете да станете и член на нивниот профил на најголемата социјална мрежа на светот фејсбук http://www.facebook.com/group.php?gid=152420141455186&ref=ts

Z38Z - Пикник

 

 На 18 мај 2003 година на натпреварувачката локација на радио клубот Никола Тесла од Штип беше организиран пикник. На пикникот освен членовите на радио клубот, присутни беа, Војо - YU7AV, Венци - Z39Z (ex-Z32AF) и гостите од Германија Бабс - DL7AFS и Лотар -DJ7ZG. Во пријатна и релаксирачка атмосфера се разговараше за многу радиоаматерски теми но претежнуваше делот за дх експедиции бидејки Војо - YU7AV пред само година дена учествуваше на експедицијата на Conway Reef (3D2CI), штипјани имаа супер успешна контест експедиција во Турција додека брачниот пар Бабс и Лотар годишно реализираат по неколку експедиции во различни делови на светот.

Повеќе: Z38Z - Пикник

Презентација на ДХ - експедиции

Во понеделник 21 јануари 2008 година по иницијатива на Хранислав Милошевиќ - Z32A/YT1AD, се одржа дружење на радиоаматерите од Македонија. Ова беше прилика на едно место да се најдат повеќето активни радиоаматери од државата. Во ресторантот "Нина" каде што се одржа дружењето беа презентирани дх експедиции на кои што организатор беше токму Хранислав. Некои од овие експедиции направија светски рекорди по број на одржани врски а коментарите на радиоаматерите низ целиот свет беа максимално позитивни за експедитивноста и квалитетот на операторите кои беа избрани од повеќе земји во светот.