Радиоаматерски Сојуз на Македонија

SOTA активирање од Титов Врв, 2747 м

На 04.07 2010 год. радиоаматерот Владо, Z35M го реализира првото активирање од Титов Врв, 2747 м, SOTA реф. Z3/WM-002, највисок врв на Шар Планина, воедно втор највисок врв во Македонија. За само половина час, колку што траеше активирањето, одржани се 17 КБ радиоврски. Користен е батериски напојуван КБ радиоуред со излезна снага од 5  W и Inv-Vee жичен дипол подигнат на висина од 5 м.

Z3-SOTA Правила

Комплетните правила за SOTA активностите се дадени во атачментот подоле.

SOTA aктивирање од Голем Кораб, 2764м

Во рамките на традиционалното планинарско искачување на највисокиот врв во нашата земја, Голем Кораб – 2764 м, членот на РСМ Владо Z35M, на 06.09 2009 год. по прв пат од оваа локација се огласи на радиоаматерските опсези. За период од околу еден час на 40м и 20м опсези воспоставени се вкупно 38 радиоврски со странски радиоаматери од Германија, Холандија, Швајцарија, Данска, Словенија, Полска, Белгија, Велика Британија, Ирска, Романија и најдалечната со Јапонија.
Користена е преносна радиоаматерска опрема: радио уред Alinco DX-70T (50 W), батерија за напојување од 12 V, 7 Ah, дипол антена во Inv – Vee конфигурација подигната со 5 м рибарски стап.

Интернационален SOTA Викенд

Десетина дена пред крајот на месец Април во Скопје се сретнав на кафе разговор и да им ги доставам QSL картите од Z3 QSL бирото, со Звонко Z35W и Владо Z35M. И во разговор со Z35M ми предложи да пробам да се појавам од некој врв во мојата околина за време на SOTA меѓународниот викенд.

Неколку дена претходно гледав по VHF календарите па веднаш споив комбинација на SOTA и VHF активност. 

 

Комплетната репортажа за експедицијата на Кожув планина и активирањето на WM-030 (Две Уши) и WM-052 (Зелен Брег) може да ја прочитате или снимите од пдф документите подолу:

 

SOTA - Општо

SOTA – Summits On The Air е меѓународна радиоаматерска програма која промовира портабл активности од планински врвови.

SOTA започна во 2002 година во Велика Британија и сега оваа програма е целосно оперативна во многу земји низ светот. Македонија активно се вклучи на 1. мај 2009 година.

Повеќе: SOTA - Општо