Радиоаматерски Сојуз на Македонија

1995 г. - Прво меѓународно учество на ХСТ репрезентацијата

Првото меѓународно учество на ХСТ репрезентацијата на Македонија беше во Херцег Нови, Црна Гора (29-ти собир на СРЈ) во септември 1995 година. Нашата репрезентација ја сочинуваа: Z32KV -Владо сега  Z35M, Z32OK - Спасо и Z32TO -Оливер.

1993 г. - Членство во ИАРУ

На 9-ти јули 1993 година РСМ е примен за рамноправен член на ИАРУ (International Amateur Radio Union).

1977 г. - Прв светски шампионат во АРГ

Првиот светски шампионат во АРГ е одржан во Скопје во периодот од 12 до 17 септември 1977 година.

1963 г. - Прва информација за катастрофалниот земјотрес во Скопје

Првата информација во светот за катастрофалниот земјотрес во Скопје 1963 година е испратена десетина минути по првиот потрес од страна на тетовскиот радиоаматер Симо Буневски - YU5NCF.

1960 г. - Прв Сојузен собир на територија на Македонија

Прв Сојузен собир на радиоаматерите од поранешна Југославија (ФНРЈ) на територијата на Македонија се одржал во Скопје - 1960 година.