Радиоаматерски Сојуз на Македонија

1951 г. - Првата ППС во Македонија

Првата примо-предавателна секција во Македонија е формирана во 1951 година во Радио Клубот “Вардар“ од Скопје – YU5APQ.
Основачи се група ентузијасти: Стево Спировски, Божидар Станковиќ, Тихомир Ѓурчевски, Димче Цветковски, Стојмир Павловски, Александар Стефановски,  Перо Ивановски, и др.
Со помош на членовите на овој радио клуб се формираат радио клубови во други градови во Македонија, и тоа во Струмица, Велес, Куманово, Битола, Прилеп и др. 

2005 г. - 138 КХз експериментални врски

Во првата половина на јануари 2005-та во Македонија за првпат експериментално се работеше на фреквенција од 138 КХз. Иницијативата на Тео-YU7AR да заедно со радио клубот од Штип организираат активност на фреквенција од 138 КХз вроди со плод во првата половина на јануари 2005-та година. За таа цел од агенцијата за електронски телекомуникации е добиена посебна дозвола за првото експериментално работење на оваа екстремно ниска фреквенција.

Повеќе: 2005 г. - 138 КХз експериментални врски

2008 г. - CQ WW WPX CW - Светски рекорд - 3.5 МХз ЛП

2002 г. - CQ WW CW WPX - Светски рекорд - 3.5 МХз ХП

Првиот Светски рекорд за македонски радиооператор е поставен во 2002 во CQ WPX CW 80m HP. Штипјанецот Зоран Милев натпреварувајќи се од турскиот остров Бозкада во еден од најпознатите радиоамaтерски натпревари во организација на американското списание  CQ Magazine успеа да постигне извонреден резултат. И покрај тоа што поминаа 8 години овој резултат е сеуште рекорд на Азија.

Редоследот на првите 3 натпреварувачи во светот:
  1. TA0/Z33F        1,452,552
  2. RV2FW             760,886
  3. Z39Z (Z32AF)      630,360