Радиоаматерски Сојуз на Македонија

Незаменлив комуникациски систем во вонредни услови

Детали: Категорија: Во служба на заедницата; Објавено: 08 Јуни 2010

Радиоаматерските комуникации и во најтешки услови неможат да бидат целосно прекинати. Тоа главно се должи на големата дисперзираност на радиоаматерските станици, нивната системска независност во функционирањето, големата флексибилност за функционирање во импровизирани услови, и секако секогаш присутната спремност на радиоаматерите да помогнат на својата заедница во најтешките моменти.

Досега повеќе пати се докажало дека кога останатите комуникациски системи откажуваат, радиоаматерските комуникации и натаму се во функција и неретко се единствен начин за врска со надворешниот свет.

Радиоаматерите биле првите кои што во светот ја пренеле веста за катастрофалниот скопски земјотрес во 1963 година, со што овозможиле што поскоро да пристигне неопходната помош.

Во периодот на воени конфликти во регионот, радиоаматерите преку одржување радиоврски помогнаа многу раселени семејства да се информираат за своите најблиски.

43.300 радиоврски вo една година

Детали: Категорија: Рекорди; Објавено: 08 Јуни 2010

Во 2001 год. радиоаматерот Владимир Ковачески – Z35M одлучи да реализира личен QSO - Маратон со цел да одржи што е можно повеќе радиоврски во текот на една каландарска година од својата лична радиостаница лоцирана во Струга.
Крајниот резултат беше одржани вкупно 43.300 радиоврски со што неформално постави Европски Рекорд, кој воедно е трет најдобар резултат на сите времиња во Свет.
Користена е кусобранова радиоопрема со максимална излезна моќност од 400 W, а антенскиот систем се состоеше од 2 ел. QUAD и 3 ел. YAGI за 20/15/10 м, дипол за 80 м, како и GAP мултибанд вертикална антена за останатите фреквентни опсези.

WMA активирање од македонските планини

Детали: Категорија: WMA - Македонија; Објавено: 08 Јуни 2010

Во рамките на меѓународниот радиоаматерски програм WMA – World Mountain Award, радиоаматерот Владо - Z35M реализираше куси активирања од планините Водно, Китка, Бистра, Галичица, Баба, Јабланица, Жеден, и др.

Користена е радиоопрема за кусобрановото фреквентно подрачје со максимална излезна моќност од 5 W до 50 W, напојувана од 12 V SLAB батерија, и Inv – Vee дипол антена подигната на висина од 5 метри.

Прво активирање од Скопско Кале, WCA Z3-00002

Детали: Категорија: WCA - Македонија; Објавено: 07 Јуни 2010

На 26.05 2010 година за прв пат во рамките на програмата WCA – World Castles Award, радиоаматерот Владо – Z35M реализираше кусо активирање од Скопско Кале.
За период од околу еден час остварени се вкупно 51 радиоврски на кусобрановите опсези 40м, 30м и 20 м, со употреба на максимална излезна моќност од 7 W и Inv – Vee дипол антена подигната на висина од 5 метри.

Fripp Island. (IOTA NA - 110)

Детали: Категорија: DX; Објавено: 03 Јуни 2010

Во периодот од 3 – 10 јули Драган K0AP (Z32XX) и Владо N3CZ (Z35C) ке бидат активни од Fripp Isl. (NA – 110). Планирана е активност од 80 - 6м CW/SSB (рекреативно) а веројатно ке се активираат и на RTTY/PSK.

Активности од странство на членови на РСМ

Детали: Категорија: Z3 - DX Експедиции; Објавено: 03 Јуни 2010

Непал – 9N: Во 1989 год. Слободан – YU5CP (Z31C) е во состав на Македонската Хималајска Експедиција задолжен за радиоврските.

Сенегал – 6W: Хране – YU5AD (Z32A) и Драган - YU5AU (Z32AU) се активни во 1991 год.

Албанија – ZA: Владо – Z32KV (Z35M) е активен во 1994 и 1995 како и од 2002 до 2007 год., додека Венцо – Z36W и Крсте – Z35X беа активни во 2003 год.

Јужна Африка – ZS: подолг период е активен Владо, Z31FU (Z35C) од каде реализира DX-педиции во соседните земји Намибија – V5 Мозамбик – C9 и Замбија – 9J.

Повеќе: Активности од странство на членови на РСМ