Собир на радиоаматери 2017

Почитувани радиоаматери, 
Како што веќе претходно информиравме, Радиоаматерскиот сојуз на Македонија на 17.септември (недела) организира Собир на радиоаматерите на Македонија во ресторанот „Ресторан на Велешко“ кој се наоѓа на езерото „Младост“ крај Велес. 
Во рамките на Собирот ќе се одржат повеќе теоретски и практични презентации од актуелни области на радиоаматеризмот и радио-техниката. Исто така ќе се одржи обука на младите радиоаматери, а потоа и натпревар во аматерска радио гониометрија. Истовремено овој Собир ќе биде одлична можност за меѓусебно дружење и подобро запознавање помеѓу радиоаматерите, но и помеѓу гостите.
Ве поканувам да дојдете и да го збогатете ова наше дружење со Вашето присуство.
На Собирот во недела, 17.септември, настаните се организирани со следниве тематски содржини:

1. 08:30 до 09:00 часот - Пристигнување на радиоаматери, натпреварувачи и гости и нивна регистрација;

2. 09:00 до 12:00 часот - Теоретска и практична презентација на спортско-техничката дисциплина „АРГ“ – аматерска радио-гониометрија и АРГ натпревар.

3. 12:00 до 15:часот - Теоретски и практични презентации на:
- ХСТ – Брза телеграфија;
- Одржување на радиоаматерски врски и комуникација со дигитални модови на работа;
- Одржување на радиоаматерски врски на УКБ преку рефлексија на радиобрановите од јонизирачки метеорски трагови;
- Одржување на портабл радиоаматерски врски;
- РМЗО – Радиоаматерски мрежи за опасност;
- СДР-уреди (Software Defined Radio) презентација;
- Радиоаматерски кодекс „Ham spirit“;
- Правилник за радиоаматерски сообраќај преку репетитори.

4. 15:00 до 17:00 часот - Ручек (за време на ручекот ќе бидат доделени благодарници, дипломи и признанија).

Радиоаматерски сојуз на Македонија
Претседател,
м-р Миле Кокотов / Z33T

Изборно собрание

Почитувани

Согласно член 25 од Статутот на РСМ, ги известувам сите радиоаматери за следното:

1. Изборното Собрание на РСМ се планира за 20.ноември 2016 година

2. Сите заинтересирани радиоаматери за Претседател на организацијата, своите кандидатури да ги достават на Оваа е-адреса е заштитена од спамботови. Треба да ви е овозможено JavaScript за да ја видите. најдоцна до 01.ноември 2016 година

3. Кандидатурите и работните материјали за Изборното Собрание ќе бидат доставени до радио клубовите на ден 02.ноември 2016 година, а истите ке бидат објавени и на web страната на РСМ

4. за сите останати работи (време и место на одржување на Изборното Собрание) ќе бидете известени дополнително

со почит
Звонко Стаменков/Z35W

Миле Секуловски, Z31JY најстар радиоаматер во Македонија

z31jy mileРоден 1926 год. во с. Лисолај, битолско, сега жител на Скопје, Миле Секуловски, Z31JY е најстар радиоаматер во Македонија кој што непрекинато е активен на радиоаматерските опсези скоро шест децении.

Учесник во НОБ од 1944 година кога после ослободувањето на Скопје посетува воен радиотелеграфски курс. По завршувањето на воениот рок во 1947 година, се вработува како телеграфист и телепринтерист во поштата во Битола каде што службува 12 години.

Повеќе: Миле Секуловски, Z31JY најстар радиоаматер во Македонија

Кевин Митник во Македонија

ivanovski--mintik_gНајпознатиот поранешен светски хакер Кевин Митник беше во Македонија овие денови. Настанот го отвори Министерот за информатичко општество Иво Ивановски а Кевин пред македонската публика одржа предавање за најновите и најдобрите методи на компјутерска безбедност.

Во текот на предавањето тој ги презентираше и своите две најпродавани книги "Уметност на измама" и "Уметност на пробивање" преку кои практично им покажува на компаниите како да спречат напади врз нивните информатички бази.

Настанот доби голем публицитет во медиумите а организаторот изработи и веб страница

Кевин е радиоаматер и по излегувањето од затвор со месеци се обидуваше повторно да добие лиценца за работа на радио станица. Неговиот повикувачки знак е N6NHG.

Z39Z - Венци Ристов

z39z mixЛични повикувачки знаци во поранешна Југославија и република Македонија: YZ5GRV, YZ5AA, Z32AF, Z3100V

Повикувачки знаци со кои е работено од поранешна Југославија, република Македонија и од странство: YU5FAD, YT5FAD, YT5G, YT6A, YT6T, 4N5FAD, 4N5M, 4O/Z39Z, 4O3A, 4О3Т, 4O6A, 4O6DX,  Z340FAD, Z350FAD, Z37FAD, Z37Z, Z39А, Z30М, Z30Z

Член на радиоаматерскиот клуб "Никола Тесла" од Гевгелија од 1979 год.

Член на меѓународниот клуб - "SKY Contest Club" од 2000 год.

Повеќе: Z39Z - Венци Ристов

Вие сте на: Почетна Разно